Alergjitë nga ushqimet – Tek moshat pediatrike, problematike produktet e konservuara
Veç alergjive të shkaktuara nga faktorët mjedisorë, fëmijët mund të preken edhe nga alergjitë ushqimore. Alergologët bëjnë me dije se alergjitë ushqimore shfaqen që në moshë të vogël ndërsa janë disa ushqime që konsiderohen më me risk për të shkaktuar alergji
“Ushqimet e konservuara, patatinat mbajnë rekord për problemet që japin. Ushqimet e tjera me ngjyrues, pijet e konservuara. Hasemi edhe me alergji nga ushqimet e freskëta siç janë veza, bulmetrat apo dhe frutat e thata”, shprehet mjeku alergolog Sokol Agolli.
Janë disa simptoma të cilat identifikojnë një alergji ushqimore.
“Manifestohen me shfaqjen e skuqjes së lëkurës, daljen e puçrrave me forma dhe përmasa të ndryshme, pak të ngritura mbi sipërfaqen e lëkurës. Karakteristikë e probleme alergjike të lëkurës është që nuk qëndrojnë për një kohë të gjatë”, thekson Agolli
Agolli thotë se alergjitë ushqimore janë të kurueshme me medikamente.
“Duke filluar nga ato më problematikët, sikurse ushqimet e konservuara, evitimi i tyre është hapi i parë dhe pastaj sipas nevojës, trajtimi me medikamente”, tha ai.
Alergjitë ushqimore që zhvillohen në moshë të rritur ose vazhdojnë në moshë madhore, janë alergji të gjata gjatë gjithë jetës.
