Alien në Brazil? Përgjigja e Crouch çmend rrjetet sociale

Janë mijëra video dhe imazhe që mbushin çdo ditë rrjetet sociale për dukuri të supozuara paranormale. Më në detaje, një nga temat që krijon alarmin më të madh tek përdoruesit ka të bëjë me pamjet e supozuara të alienëve.

Një seri entitetesh të klasifikuara si ‘jo-njerëzore’ kanë dalë në dritë dhe kanë shkaktuar një valë komentesh në ‘X’ (dikur Twitter). Në këtë rast një ‘pamje’ e re vjen nga Amerika e Jugut. Në mënyrë të veçantë, disa alpinistë në fakt kapën atë që dukej të ishte “trup i gjatë rreth 3 metra”.

Gjithçka ndodhi në malet e Ilha do Mel, në rajonin Parana të Brazilit jugor. Këto pamje të çuditshme u bënë shpejt virale në internet, aq sa disa përdorues shpërndanë videon e këtyre alienëve të dyshuar në kërkim të përgjigjeve. Përgjigja erdhi në mënyrë të pabesueshme nga një ish-futbollist i njohur, i cili mori një dush pëlqimesh për ato që tha për alienët. Ky është Peter Crouch, ish-sulmuesi i Liverpool, Tottenham dhe Stoke City. Ai shpërndau të gjitha dyshimet dhe sqaroi se çfarë po ndodhte në të vërtetë në Brazil. “Isha me pushime me familjen time. Ju lutemi respektoni privatësinë tonë”, është përgjigjur Crouch për ‘X’, duke zbuluar kështu ‘të vërtetën’ e këtyre imazheve.

Përgjigja shkaktoi bujë në rrjetet sociale: 250 mijë pëlqime dhe gati 15 milionë shikime. Kështu, mijëra përdorues iu dorëzuan sensit të humorit të Crouch dhe e demonstruan atë me një mori komentesh: “Legjenda” dhe “Ti duhet të jesh një komedian”.