Amazon dhe Microsoft do të përballen me hetimin në tregun e kompjuterëve cloud

Amazon dhe Microsoft do të përballen me një hetim mbi dominimin e tyre në tregun e kompjuterëve cloud nga rregullatori i konkurrencës në Mbretërinë e Bashkuar, njofton BBC.

Rregullatori i medias Ofcom tha se të dy përbëjnë 70-80% të sektorit në Mbretërinë e Bashkuar, ndërsa rivali më i afërt Google ka 5-10%.

Ofcom kishte thënë në prill se ishte i shqetësuar se mungesa e konkurrencës e bëri të vështirë për bizneset të ndërrojnë ofruesit.

Ai i ka referuar sektorit Autoritetit të Konkurrencës dhe Tregjeve (CMA) për të shqyrtuar këtë çështje.