Ambasada amerikane ka bërë me dije se do të angazhohet me Komisionin e Posaçëm “Për Mirëqeverisjen, Antikorrupsionin dhe Sundimin e ligjit”.
Si partnerë të palëkundur të përpjekjeve të Shqipërisë në reformat e nevojshme për anëtarësimin e vendit në BE, Ambasada e SHBA sqaroi se pret që puna e Komisionit të Posaçëm të jetë transparente, gjithpërfshirëse dhe në përputhje me Kushtetutën.
“Si partnerë të palëkundur të përpjekjeve të Shqipërisë për të çuar përpara reformat e nevojshme për anëtarësim në BE, Ambasada e SHBA do të angazhohet me komisionin e posaçëm për mirëqeverisjen, anti-korrupsionin dhe sundimin e ligjit. Ne presim që puna e komisionit të jetë përfshirëse dhe transparente, në përputhje me kushtetutën, në mbrojtje të pavarësisë së institucioneve, si dhe të përmirësojë të ardhmen e Shqipërisë”, thuhet në njoftim.
Ky komision ka në përbërje 11 anëtarë, 6 nga maxhoranca dhe 5 nga opozita.
Qëllimi kryesor i komisionit është koordinimi i një procesi të thelluar reformimi me synim: 1) përmirësimin dhe konsolidimin e praktikave të mirëqeverisjes në të gjitha nivelet, 2) thellimin e luftës kundër korrupsionit dhe 3) forcimin e mëtejshëm të zbatimit të ligjit.
Objekt i veprimtarisë së tij është vlerësimi dhe analiza e situatës aktuale në tre fushat e mësipërme dhe hartimin e një plani kombëtar veprimi për adresimin e sfidave përkatëse në këto fusha dhe marrjen e masave konkrete për ndryshime të mundshme ligjore dhe institucionale.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.