Ambasada e SHBA: Fuqizojmë gratë dhe vajzat në fushën e zbatimit të ligjit

Ambasada e SHBA-së në Tiranë, nëpërmjet përmes një postimi në rrjetet sociale, bën të ditur se një delegacion i përbashkët shqiptaro-amerikan i grave në fushën e zbatimit të ligjit ndodhen në Çikago për një seminar me Shoqatën Ndërkombëtare të Grave në Polici 2024.

“Nga data 1 deri më 5 shtator, një delegacion i përbashkët shqiptaro-amerikan i grave në fushën e zbatimit të ligjit është në Çikago me Shoqatën Ndërkombëtare të Grave në Polici 2024”.

Ambasada njofton se, ato do të përfshihen në seminare dhe trajnime mbi mirëqenien, mentorimin, rekrutimin, udhëheqjen, marrëdhëniet me komunitetin, si dhe diversitetin, barazinë, përfshirjen dhe aksesueshmërinë (DEIA).

Pjesëmarrëse në këtë takim janë gra nga 70 vende të botës.

“Së bashku, po nxisim bashkëpunimin global dhe fuqizojmë gratë dhe vajzat në fushën e zbatimit të ligjit”, citohet postimi i Ambasadës.