Ambasadori çek në Tiranë: Shqipëria e fortë, shpresoj të kualifikohemi në Euro 2024

Çekia duhet të fitojë për të vazhduar ëndrrën “Euro 2024”. Ky duel është mjaft delikat edhe për tifozët, të cilët pritet që të jenë të shumtë në Shqipëri. Ndërkohë Radio Televizioni Shqiptar ka kontaktuar me ambasadorin çek në Tiranë, Karel Urban, i cili duke hequr “kostumin” diplomatik komenton këtë ndeshje delikate me mjaft ekspertizë: “Mendoj se do të jetë mjaft e vështirë për skuadrën tonë. Jam i mendimit se ç’do rrugë për në majë është e vështirë. Jemi në një grup të vështirë por si çek uroj që të kualifikohemi”.

Në një intervistë të dhënë për “Zona 30” në RTSH 1, Urban vlerëson ekipin e Silvinjos për karakterin e shfaqur ndërsa jep detaje rreth organizimit të bashkëkombësve të tij për transfertën e Tiranës. “Federata Çeke e Futbollit më ka njoftuar se drejt Tiranës do të nisen rreth 600 tifozë nga Çekia. Ne po mundohemi që të gjejmë një pikë grumbullimi afër stadiiumit për tifozët”, thotë Urban.