Ambasadori i ri britanik në Shqipëri Nicholas Abbott ka ndarë vizionin e tij për detyrën që iu besua. Abbot deklaroi në një videomesazh të shpërndarë në rrjetin social Facebook nga Ambasada britanike në Tiranë, se do ngrejë partneritetin mes dy vendeve në lartësi të reja. Ambasadori i ri u shpreh se partneriteti i vërtetë, është misioni i tij.
“Unë jam Nicholas Abbott, ambasadori i ri britanik në Shqipëri dhe jam shumë I gëzuar të jem këtu për fillimin e një kapitulli të ri në marrëdhëniet mes Mbretërisë së Bashkuar dhe Shqipërisë.
Jam këtu për ta ngritur partneritetin tonë në lartësi të reja. Ne kemi një themel të fortë, kësisoj të ndërtojmë diçka të jashtëzakonshme së bashku.
Ide të mëdha, lidhje më të forta, të ardhme më të ndritur.
Një partneritet i vërtetë. Ky është misioni ynë dhe jam i nderuar që do ta drejtoj këtë.
Siç e dini, rajoni ma ja fituar zemrën dhe Shqipëria është në zemër të rajonit”, u shpreh ai.
Ambasadori Abbott bëri me dije se këtë shtator nis java britanike në Shqipëri, që sipas tij është një mundësi e mirë për t’u njohur me kulturën britanike.
“Këtë shtator do të festojmë javën britanike në Shqipëri. Kjo do të jetë një mundësi fantastike për ju që kërkoni të përjetoni pak kulturë britanike këtu në Shqipëri”, u shpreh Abbott.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.