Ambasadori Malaj i paraqit letrat kredenciale presidentes Osmani

Ambasadori i Shqipërisë në Kosovë Petrit Malaj i paraqiti letrat kredenciale Presidentes së Republikës së Kosovës, Vjosa Osmani, njofton diplomati i lartë shqiptar në rrjetet sociale.

“I shpreha zonjës Osmani mbështetjen e plotë. Është privilegj për mua të përfaqësoj Republikën e Shqipërisë në detyrën e ambasadorit në Republikën e Kosovës. Por njëkohësisht është një sfidë e madhe për të cilën do punoj intensivisht për ta realizuar me nder e dinjitet, gjithmonë në dobi të shqiptarëve” shkruan zoti Malaj. “

Presidentja Osmani më informoi mbi zhvillimet e fundit në vend. Të dy u pajtuam për thellimin e bashkëpunimit në fusha të ndryshme të interesit të dyanshëm dhe shtruam nevojën e zbatimit të marrëveshjeve ndërshtetërore të nënshkruara deri më sot” shkruan ambasadori i ri i Shqipërisë në Kosovë Petrit Malaj.

Ai zëvendëson në këtë detyrë diplomatin veteran Qemal Minxhozi.