Ambasadorja e Shqipërisë në Vatikan nderohet nga Universiteti i Peruxhës
Ambasadorja e Shqipërisë në Vatikan Majlinda Frangaj është vlerësuar nga Universiteti i Peruxhës me çmimin “Bartolo d’Oro”.
“Sot jam diplomate falë studimeve në këtë universitet,” u shpreh ambasadorja Majlinda Frangaj.
Ambasadorja e Shqipërisë në Selinë e Shenjtë ishte mes 6 personaliteteve të vlerësuara me çmimin e rëndësishëm në Ditën Kombëtare të Universitetit në Itali.
Ceremonia solemne e mbajtur në Universitetin e Peruxhës u zhvillua për të nderuan personalitetet e shquara që kanë studiuar në këtë Universitet dhe shpallur temat më të mira të diplomës së 14 Departamenteve të këtij universiteti italian për vitet 2021–2022.
“Kjo datë shënon fillimin e një tradite të rëndësishme,” deklaroi Rektori Maurizio Oliviero.
“Bartolo d’Oro” është nderimi më i lartë që mund t’u bëhet të diplomuarve në Universitetin e Peruxhas. Çmimi ka marrë emrin e Bartolo da Sasoferato, një mjeshtër i madh i së drejtës civile në Itali.
