Ambjente të kufizuara, vonesa në gjykim / Dhoma e avokatisë Lezhë: Harta e re gjyqësore ka shtuar kaosin në sistemin e drejtësisë

Harta e re gjyqësore e cila nisi zbatimin në muajin maj të këtij viti e ka shtuar kaosin në sistemin e drejtësisë. Shqetësimi është ngritur nga Dhoma Vendore e Avokatisë në Lezhë gjatë analizës vjetore të punës, ku ishin të pranishëm dhe përfaqësues të gjykatës dhe Drejtorisë së Policisë.

Mungesa e ambjenteve në Gjykatën e Lezhë dhe vonesat në gjykim janë problematikat kryesore që po përballen avokatët.

Problematikat u pranuan dhe nga Kryetari i Komanduar i Gjykatës së Lezhës Aurel Arapi, sipas të cilit shtymi i numrit të gjyqtareve do të eleminoje vonesat në gjykimin e çështjeve, ndërsa mungesa e ambjenteve mbetet problem.

Prej muajit tetor të këtij viti në Gjykatën e Juridiksionit të Përgjithshem Lezhë e cila i shërben të gjithë qarkut janë emëruar dhe 6 gjyqtarë të rinj nga 2 që kishin ngelur më parë.

Plotësimi i vakansave pritet të shmangë vonesat dhe të japë ndikim pozitiv në gjykimin e çështjeve penale dhe civile.