Ancelotti paralajmëron Leipzig: Është sezoni më i mirë i karrierës sime

“Sezoni më i mirë i karrierës sime? Tani për tani mund të jetë kështu”. Carlo Ancelotti, trajneri i Real Madridit, paralajmëron Leipzig në një konferencë për shtyp në prag të ndeshjes së parë të 16-shes së Champions League. “Unë shoh një ekip solid, serioz, të motivuar, me një ambient të këndshëm, askush nuk ankohet, të gjithë kontribuojnë. Gjithçka po shkon mirë për momentin, pavarësisht shumë vështirësive që patëm. Kjo ishte falë karakterit të lojtarëve”.

“Jemi mirë, jemi në një periudhë të mirë, të motivuar, po luajmë një kompeticion që na pëlqen shumë – shtoi Ancelotti – Tani është rikthyer Champions League dhe për Real Madridin është kompeticioni më i rëndësishëm, është për  të gjithë madrilenët. Ne do të përballemi me një rival shumë të fortë, ata luajnë intensivisht dhe me cilësi. Ne duhet të jemi të mirë sidomos në mbrojtje”.

A është Vinicius më i forti në botë? “Ai ka shumë cilësi dhe vendos shumë intensitet në driblimin dhe sprintin e tij… Nëse ai e bën këtë vazhdimisht gjatë 90 minutave, është gjithashtu sepse ka kundërshtarë që nuk mund t’i rezistojnë në pjesën e dytë”.

Bellingham do të mungojë kundër gjermanëve: “Nuk mendoj kurrë se kush nuk është atje. Bellingham nuk është atje, por pa të kemi fituar katër ndeshje nga katër. Këto dëmtime janë një mundësi për të qenë më të motivuar. Mund të bëjmë mirë nesër”.