Tre kryeqytetet më të rëndësishme të politikës dhe vendimarrjes në Evropë, përkatësisht Roma, Berlini dhe Parisi, i kanë dërguar një letër ‘pa dorashka’ kryeministrit të Kosovës, Albin Kurti, nëpërmjet së cilës bëjnë të qartë se mbetet përgjegjësi e drejtë përdrejtë e tij, mos-anëtarësimi në Këshillin e Evropës, nëse ai nuk hedh hapa seriozë për zbatimin e porosive që ka mbi tavolinë të grupit të Kuintit për Kosovën.
Pasi falënderojnë Kurtin në lidhje me aplikimin e Kosovës në Këshillin e Evropës dhe Asociacionin/Këshillin e Komunave me Shumicë Serbe (A/CSMM), që në rreshtat e parë tre qendrat e diplomacisë evropiane nënvizojnë se fatkeqësisht, hapat që Kurti propozon nuk adresojnë nevojën urgjente për hapa vendimtarë drejt krijimit të A/CSMM-së dhe rrezikojnë të minojnë më tej Dialogun e lehtësuar nga BE-ja.
Nga ana tjetër, Roma Berlini dhe Parisi, kritikojnë ashpër komentet e Kurtit lidhur me projekt-statutin e paraqitur nga Përfaqësuesi Special i BE-së për Dialogun, Miroslav Lajçak, për të cilin duket se është shprehur “propozim xhentëlmeni”.
“Nuk është thjesht një “propozim xhentëlmeni”. Është një model”, thuhet në letrën drejtuar Kurtit.
“Dorëzimi i këtij drafti tek ekspertët e Këshillit të Evropës nuk do të përbënte një hap të domosdoshëm vendimtar pasi opinioni i tyre nuk do të jetë ligjërisht i detyrueshëm. Kjo mund të arrihet vetëm duke e dërguar atë në Gjykatën Kushtetuese të Kosovës, në mënyrë që të jetë e pranueshme për Gjykatën. Siç u sqarua me Brukselin, nuk ka pengesa ligjore në Dialogun e lehtësuar nga BE-ja për marrjen e këtij hapi.”, thuhet në letër.
Nga ana tjetër 3 kryeqytetet evropiane tërheqin vëmendjen se propozimi i Kurtit për përgatitjen e një drafti të ri në konsultim me kryetarët apo deputetët aktualë të komunave nuk është as i përshtatshëm dhe as i zbatueshëm për rrethanat aktuale në këto komuna.
“Kryeministër, le të jemi të qartë: Ekziston një rrezik real që pa një progres vendimtar të A/CSMM, aplikimi i Kosovës, Këshilli i Evropës nuk do të marrë mbështetjen e mjaftueshme nga shtetet anëtare. Përparimi tani përgjatë linjave të sugjeruara nga Kuinti do të demonstronte përkushtimin tuaj ndaj të drejtave të pakicave, duke forcuar kështu pozitën e Kosovës dhe duke ri-energizuar Dialogun e lehtësuar nga BE-ja. Kjo është mënyra e vetme për të siguruar suksesin e aplikimit tuaj.”, theksohet në letër.
Parisi, Berlini dhe Roma theksojnë se veprimet dhe vendimet e Kurtit në këtë moment kritik do të jenë vendimtare për aspiratat e Kosovës për anëtarësim në Këshillin e Evropës.
“Topi është në fushën tuaj. Ne besojmë sinqerisht në udhëheqjen tuaj.”, mbyllet letra e tre shteteve më të rëndësishme të Bashkimit Evropian.
Ministri i Mbrojtjes Pirro Vengu ka bërë me dije se një prej prioriteteve të institucionit…
“Shqipëria e së ardhmes do të jetë si Italia”, ka qenë kjo deklarata e kryeministrit…
Një sasi lënde plasëse është hedhur në derën e jashtme të një banese në fshatin…
Ashtu si një mini-Saturn, rreth 466 milionë vjet më parë Toka ka të ngjarë të…
Shqipëria ka shënuar një vit rekord sa i përket numrit të turistëve. Kështu e nis…
Diva e madhe, ikona e vërtetë e kinemasë italiane, lindi më 20 shtator 1934 në…
This website uses cookies.