Kreu i Partisë Demokratike D-së, Sali Berisha ka lënë të hapur mundësinë që vajza e tij, Argita Malltezi të kandidojë në zgjedhjet parlamentare të vitit të ardhshëm.
Duke folur në një video-konferencë për mediat nga banesa e tij në rrugën “Mustafa Matohiti”, pasi ndodhet prej muajsh në arrest shtëpiak Berisha u shpreh se nuk është ai që vendos se cili do të jetë fati politik i Argita Malltezi.
Megjithatë, ai nuk përjashtoi faktin që nëse e bija e tij ka këtë ambicie atëherë sipas tij primaret janë të hapura për të garuar që të bëhet pjesë ose jo e listës së kandidatëve për deputetë të Partisë Demokratike për zgjedhjet e ardhshme.
“Të them të vërtetën në çdo listë për mua është njëlloj dhe nuk kam asnjë impresion. Sa i përket Argita Malltezit, atë s’e vendos unë, por vetë ajo, nëse dëshiron primaret janë të hapura. Por nuk e di nëse ka ndonjë ambicie apo jo”, tha kryedemokrati.
Berisha, i cili tashmë është marrë zyrtarisht i pandehur nga SPAK-u për dosjen “Partizani” nën akuzën e korrupsionit pasiv, u pyet nëse ka një skenar tjetër për Partinë Demokratike nëse dënohet nga gjykata.
“Rreth dy vite më parë Rama dhe Taulant Balla organizuan një atentat ndaj meje në mes të ditës. Në korridoret e këtyre kriminelëve flitej se janë orët e fundit të Sali Berishës, vazhdova miting pa asnjë plan B. Përpjekja për të uzurpuar PD-së udhëheqjen dështoi dhe do të dështojë, kjo është betejë për sovranitetin e vendit, për themelin”, deklaroi Berisha.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.