Kryetari i Partisë Demokratike, Sali Berisha i është drejtuar Gjykatës Kushtetuese, për të ankimuar vendimet e gjyqësorit për masën e arrestit të shtëpisë prej datës 30 dhjetor të vitit të shkuar.
Në një komunikim me mediat, Argita Malltezi, avokatët e Berishës dhe të Jamarber Malltezit, akuzuan sërish se sistemi gjyqësor është vendosur në shërbim politik, duke mbajtur në një masë ekstreme Berishën dhe Malltezin, pa akuzë dhe prova.
“Ky është raportimi i katërt dhe nuk ka ende asnjë fjalë për Sali Berishën. Dhe unë kësaj përveçse abuzim me ligjin nuk mund t’i them gjë tjetër”, yha Malltezi.
Në këtë komunikim me mediat, Malltezi ju përgjigj interesimit për ndryshimet në qeveri dhe nëse 3 emrat e rinj të kabinetit qeveritar, mund të konsiderohen si një përmbushje e kërkesë së opozitës për krijimin e një qeveri teknike.
“ Nuk përbën plotësim të kërkesës së PD-së për qeveri teknike”, tha ajo.
Sa i takon vendimmarrjes së Kuvendit, i cili adresoi kërkesat e Gjykatës Kushtetuese, Malltezi vlerësoi dakordësinë politike për realizimin e votës së diasporës, sikundër listën e mbyllur në masën e 1 te 3-tës edhe pse tha ajo “PD ishte për një masë më të hapur të saj”.
Konferenca pati edhe një sqarim në lidhje me hetimet për avokatin Gjokutaj, nisur prej një statusi të tij në rrjete sociale, i cili është konsideruar i dhunshëm.
Malltezi i quajti politike akuzat ndaj Gjokutajt, ndërsa shprehu vendosmërinë për vijimin e betejave ligjore për Malltezin dhe Berishën, në sistemin gjyqësor vendas sikundër dhe në Stasburg, ku një pjesë e ankimimit tashmë është depozituar.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.