Argjinatura e Darragjatit / Gega: Kemi përfunduar 90% të punimeve

Punimet janë thuajse drejt fundit. Përfaqësuesi i firmës së kontraktuar Adrian Gega tregon se  ndërhyrjet janë përqendruar në 4 pelete.

Fondi i përcaktuar nga Bordi i Ujitjes dhe Kullimit është 23 mln lekë të reja

Kjo argjinaturë është shoqëruar me dëmtime të shumta vit pas viti. Banorët disa herë kanë kërkuar vëmendje, sepse qindra hektarë toke dhe banesa rrezikonin nga devijimi i lumit Buna. Kjo ndërhyrje synon të parandalojë rrezikun e përmbytjeve nga reshjet në tokat bujqësore. Njësia administrative Dajç me 10 fshatrat e tij ndër vite ka qënë zona më problematike sa i takon përmbytjeve ku më dëmtueset ishin ato të viteve 2010 dhe 2018.