Argjinatura e  Ganjollës drejt përfundimit / Prej vitesh erozioni ka “rrëmbyer” dhjetëra hektarë tokë

Për të parandaluar  përmbytjet  në  disa zona problematike, në Shkodër po realizohen gjatë kësaj periudhe dhe po vijojnë  disa  investime.

Prefektura, Bashkia , Ministria e Bujqësisë   ka nisur  zbatimin e disa  masave që  po ndërrmerren  kryesisht  nga  Bordi i Kullimit,  masa  që kanë të bëjnë  krysisht  me ndërhyrjen në argjinatura .

Në fshatin Ganjoll është drejt përfundimit argjinatura mbrojtëse për zonën nga prurjet e lumit Drin.

Ky investim zgjidh rrezikun e gërryerjes së tokave në këtë zonë dhe shmang atë të përmbytjeve për fshatrat Kuç dhe Vukatanë, në Njësinë Administrative Guri i Zi.

Banorët prej kohësh e kanë ngritur si shqetësim këtë problemaikë të gërryerjes së tokave në këtë njësi administrative, ndërsa me këtë investim pritet t’i jepet zgjidhje këtij fenomeni.

Ky investim, i cili u realizua brenda 6 muajve, kapi vlerën e  mbi 94 642 000 lekëve me tvsh.