Armëpushimi dhe lirimi i pengjeve-Katari: Hamasi dhe Izraeli më afër se kurrë marrëveshjes
Ministria e Jashtme e Katarit ka bërë të ditur se Izraeli dhe Hamasi janë më afër se kurrë arritjes së armëpushimit dhe marrëveshjes së pengjeve në Gaza sesa në çdo kohë në të kaluarën.
Për herë të parë, delegacionet nga Izraeli dhe Hamasi ndodhen në të njëjtën ndërtesë në Doha për negociata, por nuk po zhvillojnë bisedime të drejtpërdrejta.
Të dërguarit e Presidentit Biden dhe Presidentit të zgjedhur Donald Trump ndodhen gjithashtu në Doha ndërsa dje Biden foli për bisedimet e armëpushimit në fjalimin e fundit të politikës së jashtme të presidencës së tij.
“Për luftën midis Izraelit dhe Hamasit, ne jemi në prag të një propozimi që e parashtrova në detaje muaj më parë që më në fund të realizohet”, tha Biden.
Javën e kaluar, Biden njoftoi Kongresin për shitjen e armëve prej 8 miliardë dollarësh në Izrael. Ndërkohë, Izraeli po vijon sulmet në Gazë, ku sot pas një sulmi ajror la të vrarë nëntë palestinezë, duke përfshirë gra dhe fëmijë.
