Arrestimi i Metës, Tedi Blushi: Lufta e tij me bandën e Ramës e Soros, një prej arsyeve
Sekretari i Përgjithshëm i Partisë së Lirisë, Tedi Blushi ka reaguar për arrestimin e Presidentit të kësaj partie Ilir Meta.
Blushi deklaroi se ndalimi i Metës nuk është një, por janë disa, duke përmendur këtu çështjen e detit me Greqinë, mbrojtjen që i ka bërë sovranitetit, çështjes kombëtare dhe luftës me bandat e Kryeministrit Rama dhe Xhorxh Sorosit.
Sipas Blushit, mënyra se si u arrestua Meta, ështeë akt kriminal.
“Mënyra dhe akti kriminal paligjshëm dhe terrorist i një strukture terroriste të konfirmuar tashmë që tenton të eliminojë opozitën do marrë një përgjigje shembullore.
Arsyeja e ndalimit të Presidentit Metës janë disa, çështja e detit me Greqinë, mbrojta që i ka bërë sovranitetit, mbrojtja që i ka bërë çështjes kombëtare dhe lufta e tij me bandën e Ramës dhe Xhorxh Sorosit”, deklaroi ai.
