Arrestohet 30- vjeçari në Shkodër / Drejtonte një makinë të vjedhur, në pranga një 43- vjeçar që theu masën e sigurisë

Policia e Shkodrës ka vënë në pranga një të ri 30- vjeçar banues në Shkodër.

Nga verifikimet, ai dyshohet se drejtonte një automjet që është vjedhur në Gjermani.

 Automjeti tip “Peugeot 5008” u sekuestrua në cilësinë e provës materiale.

Ndërkohë, policia e Vaut të Dejës ka vënë në pranga një 43- vjeçar nga Plezha, i cili ka thyer masën e sigurisë “arrest në shtëpi”.

Policia e Malësisë së Madhe referoi materialet dhe nisi procedimin penal për një 35- vjeçar nga Selca e Kelmendit, i cili ka ushtruar dhunë ndaj bashkëshortes së tij.

Për një 31 – vjeçar,  banues në Shkodër, ka nisur procedimi penal pasi ka kryer punime ndërtimi, pa lejen përkatëse.