Arrestohet 34- vjeçari , akuzohet se është kultivuesi i 4 miniparcelave me kanabis në Shkodër
Një 34- vjeçar është arrestuar pasi akuzohet se është autori i kultivimit të 4 miniparcelave bimë narkotike në fshatin Lotaj.
Si rezultat i një hetimi disa mujor të ndjekur me metoda proaktive, në bashkëpunim me Prokurorinë e Shkodrës, seksioni për hetimin e krimeve i Komisariatit të Policisë Shkodër kapi dhe vuri në pranga shtetasin Kolë Uka, 34 vjeç, banues në fshatin Lotaj.
“Nga hetimet rezultoi se 34-vjeçari është autor i dyshuar i kultivimi të një sasie bimësh narkotike cannabis sativa, në 4 miniparcela, në fshatin Lotaj, gjatë muajit korrik të 2024”, informoi sot Policia e Shkodrës. Materialet procedurale i kaluan Prokurorisë pranë Gjykatës së Shkallës së Parë Shkodër, për veprime të mëtejshme.
