Arrestohet autori i aksidentit në aksin  “Koplik- Bajzë”, procedohen disa shtetas për vepra të ndryshme penale

Është arrestuar nga policia autori i aksidentit të një dite më parë në aksin rrugor “Koplik- Bajzë”, ku humbi jetën një i moshuar

Policia njofton se  përfundim të veprimeve procedurale, Sektori i Policisë Rrugore arrestoi për veprën penale “Shkelja e rregullave të qarkullimit rrugor,” shtetasin L. M., 48 vjeç, sepse me automjetin që drejtonte, ka përplasur motomjetin që drejtonte shtetasi R. Sh., 66 vjeç, i cili si pasojë ka humbur jetën.

Ndërkohë, Sektori i Policisë Rrugore referoi materialet në Prokurori, ku nisi procedimi në gjendje të lirë për shtetasit për një  80- vjeçar, pasi u kap duke drejtuar automjetin, në gjendje të dehur.

Gjithashtu, edhe për një 70- vjeçar, pasi u kap duke drejtuar motomjetin, pa leje drejtimi.

Komisariati i Policisë Pukë arrestoi shtetasin J. Gj., 35 vjeç, banues në fshatin Qerret i Vogël, pasi ka ushtruar dhunë ndaj babait të tij.  

Policia Kufitare e PKK Muriqan referoi materialet në Prokurori, ku nisi procedimi në gjendje të lirë për shtetasin J. K., 37 vjeç, banues në Kosovë, pasi në bagazhin e automjetit që drejtonte, u gjetën 12 pako me lëndë piroteknike, pa dokumentacionin që kërkon ligji për tregtimin e këtyre lëndëve. 12 pakot u sekuestruan nga Policia, në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.