Arrestohet shoferi  i autoambulancës – Shkaktoi aksidentin me pasojë vdekjen e një 57- vjeçari dhe plagosjen e dy personave

Nga sektori i Policisë rrugore është arrestuar drejtuesi i autoambulancës  së spitalit të Koplikut, shtetasi me inicialet P. S, 65 vjeç, lidhur me asksidentin e një ditë më parë në rrugën Shkodër –Koplik.

65- vjecari akuzohet për vepren penale “Shkelja e rregullave të qarkullimit rrugor” pasi duke drejtuar autoambulancën, si rezultat i një parakalimi të gabuar ka përplasur autoveturen tip Golf, duke shkaktuar vdekjen e drejtuesit te mjetit  57 vjeç, si dhe demtimin e bashkëshortes dhe vajzës së viktimës, të cilat ndodhën në Spitalin Rajonal Shkodër, jashtë rrezikut për jetën.

Gjithashtu, nga  specialistët për Hetimin e Krimeve të Komisariatit të Policisë Shkodër   është arrestuar shtetasi  M. H., 19 vjeç, banues në Shkodër, si dhe referuan materialet në Prokurori, ku filloi procedimi në gjendje të lirë për dy të mitur 17 vjeç dhe 15 vjeç, sepse në bashkëpunim me njëri – tjetrin tek sheshi “Prek Cali”, Shkodër, kanë vjedhur një motomjet  ne pronësi të shtetasit K. V., 46 vjeç, banues në fshatin Bardhaj.

Ndërkohë në njoftimin zyrtar të Policisë se Shkodrës për ngjarjet e 24 orëve të fundit bëhet e ditur se ka nisur procedimi penal në gjendje te lirë për katër shtetas të tjerë që akuzohen për vepra të ndryshme penale si kanosje  për motive të dobëta, lidhje të paligjshme të energjisë eletrike në banesa si dhe fshehje e të ardhurave.