“ArtExplorer” viziton bregdetin shqiptar, Rama: Sezoni i jahteve nis zyrtarisht nga Durrësi
Jahti “ArtExplorer” ka vizituar sot bregdetin e Durrësit, duke çelur zyrtarisht sezonin e jahteve në vend.
Kryeministri Edi Rama ka ndarë foto nga jahti i ankoruar në Durrës, ku shton se “ArtExplorer” do të rikthehet sërish vitin e ardhshëm por këtë herë me surpriza.
Sipas Ramës “ArtExplorer” do të rikthehet si një ekspozitë lëvizëse me veprat e Muzeut të Luvrit në Francë, ku një ndalesë do e këtë sërish në Durrës.
“Sezoni i jahteve nis zyrtarisht nga Durrësi, me “ArtExplorer” që ka vizituar bregdetin tonë këto ditë duke premtuar surpriza për vitin e ardhshëm, kur do të rikthehet sërish si një ekspozitë lëvizëse me perlat artistike nga Muzeu i Luvrit në Francë, dhe Durrësi padyshim nuk mund të mungojë. në brendësi të Mesdheut”, shkruan Rama.
