Arti si mënyrë ndërgjegjësimi / Të rinjtë nga Elbasani trajtojnë fenomenet shqetësuese përmes artit

Një grup të rinjsh nga Elbasani ishin protagonistët kryesorë të aktivitetit të zhvilluar në Qendrën Rinore “Atelie” në Shkodër ku në fokus ishin problematikat që burojnë nga ndryshimet klimatike dhe pabarazia ekonomike. Ata zgjodhën që t’i trajtonin përmes këndvështrimit artistik teksa u vunë në rolin e aktorëve të shfaqjes teatrale “Mulliri me erë” mbështetur nga Save The Children.

Shfaqja “Mulliri me erë” është ideuar, shkruar dhe e interpretuar nga vetë fëmijët e “Zërit 16+”, Elbasan.

Përmes shfaqjes së tyre fëmijët adresuan çështje që kërkojnë zgjidhje duke theksuar të drejtën e tyre për një mjedis të shëndetshëm, rëndësinë e burimeve alternative të energjisë, pjesëmarrjen e tyre në vendimarrje  etj. Shfaqja u prit me shumë entuziazëm nga të pranishmit në sallë.