Asambleja e SHRF Shkodër – Zgjidhen delegatët për Asamblenë e Përgjithshme të FSHF- së, Matija dhe Pjetri
Ka zhvilluar punimet Asambleja e Përgjithshme e Shoqatës Rajonale të Futbollit Shkodër, ku ishte i pranishëm edhe presidenti i FSHF- së, Armando Duka.
Në përshëndetjen e tij, ai ka vlerësuar rolin e Shkodrës në futbollin shqiptar si dhe të shoqatës rajonale.
Fjalën e rastit, e ka mbajtur presidenti i shoqatës rajonale të futbollit Shkodër, Lazer Matija, njëkohësisht edhe president i Klubit të Futbollit të Femrave Vllaznia.
Më pas ,me votim u miratuan pasqyrat financiare dhe buxheti për vitin 2025.
Gjithashtu, u miratua edhe ndryshimi i emblemës së SHRF Shkodër.
U zgjodhën edhe delegatët që do të përfaqësojnë SHRFSh-në në Asamblenë e Përgjithshme të FSHF-së të propozuar nga anëtarësia.
Pas votimit të anëtarëve të SHRFL-së u zgjodhën delegatë Lazër Matija dhe Alfred Pjetri.
