Asgjësohen 8000 bimë canabis në Temal, vijon puna për arrestimin e shtetasve të implikuar në këtë veprimtari

 Vijon intensivisht megaoperacioni policor kombëtar i koduar “Territor i pastër”, kundër kultivimit të bimëve narkotike në veri të vendit.

Kontrollet intensive, nga toka dhe nga ajri, u kryen në zona me terren shumë të vështirë, për evidentimin dhe goditjen e rasteve të kultivimit të bimëve narkotike.

I fundit ishte ai në Vaun e  Dejës, ku shërbimet e Komisariatit të Policisë Vau i Dejës dhe të Drejtorisë Vendore të Policisë Shkodër, me mbështetjen e helikopterit të Forcave Ajrore të Ministrisë së Mbrojtjes, monitoruan të gjithë zonën.

Në kuadër të këtij operacioni në territorin e njësisë administrative Temal u asgjësuan 8000 bimë kanabisi dhe 4810 fidanë kanabisi. Policia thotë se nuk ka arritur të zbulojë se kush janë pronarët e këtyre parcelave me kanabis, por po punohet për arrestimin e shtetasve të implikuar në këtë veprimtari kriminale.