Në vijim të megaoperacionit kombëtar “Territor i pastër”, forcat e Drejtorisë Vendore të Policisë Shkodër kanë ndërmarrë kontrolle intensive në të gjithë territorin e qarkut për të luftuar kultivimin e bimëve narkotike. Si rezultat i këtyre kontrolleve, janë identifikuar dhe asgjësuar 6032 bimë dhe fidanë narkotike të llojit cannabis sativa.
Policia njofotn se, në fshatin Iballë, Fushë Arrëz, u gjetën 4520 bimë narkotike cannabis. Për këtë rast, u referuan materialet në Prokurori, ku nisi procedimi në gjendje të lirë për veprën penale “Shpërdorimi i detyrës”, për shtetasit: A. Z., kryetari i njësisë administrative Iballë, I. B., specialisti i pyjeve dhe D. P., kryetari i fshatit Iballë.
Sipas policisë, gjatë kësaj faze të megaoperacionit, në fshatin Mëlgushë, Vau i Dejës, në tokën e shtetases V. L., u gjetën 280 bimë narkotike cannabis. Për këtë rast, u referuan materialet në Prokurori, ku nisi procedimi në gjendje të lirë për veprën penale “Kultivimi i bimëve narkotike”, për shtetasit: V. L., 47 vjeçe dhe J. M., 32 vjeç. Gjithashtu në njësin administrative Pult, në fshatin Pog, u gjetën 1232 fidanë cannabisi.
Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të bimëve narkotike.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.