Policia e Shtetit ka evidentuar dhe ka goditur një tjetër rast të kultivimit të bimëve narkotike në Velipojë.
Në këtë aksion janë asgjësuar 10 920 bimë të dyshuara narkotike cannabis sativa që ishin kultivuar në këtë zonë.
Ndërkaq, nga hetimet paraprake, Drejtoria e Standardeve Profesionale në Policinë e Shtetit “pezulloi nga detyra, për mospërmbushje të detyrave (shkelje e parashikuar nga neni 209/1 i rregullores së Policisë së Shtetit), 4 punonjës policie”
“Nënkomisar P. P., shef i Stacionit të Policisë Velipojë, njëkohësisht përgjegjës për monitorimin e zonës; Nënkomisar A. Ç., specialist i njësisë “Shqiponja”, përgjegjës i zonës për kontrollin e territorit nga DVP Shkodër; Nënkomisar A. Xh., specialist për hetimin e krimeve në zonën ku u gjetën bimët narkotike; Inspektor i parë A. T., ndihmësspecialist (SPZ) në zonën ku u gjetën bimët narkotike”, thuhet në njoftimin e policisë.
Gjatë kontroll të ushtruar në territorin e njësisë administrative Velipojë janë “gjetur të kultivuara 10 920 bimë të dyshuara narkotike cannabis sativa. Një pjesë e tyre janë sekuestruar në cilësinë e provës materiale, ndërsa pjesa tjetër është asgjësuar nëpërmjet djegies.”
Policia bën të ditur më tej se është bërë i mundur identifikimi i autorëve të dyshuar të kultivimit të bimëve narkotike. Ndërsa materialet procedurale “i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Kultivimi i bimëve narkotike”.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.