Asllani: Dua të vazhdoj të rritem tek Interi, Calhanoglu më ndihmon
Kristjan Asllani zbriti në fushë që nga minuta e parë në transfertën ndaj Fiorentinës dhe bëri një paraqitje shumë të mirë në fushën e blertë, duke dhënë pasimin final në golin e Lautaros dhe duke bërë që të mos ndihet mungesa e Calhanoglu tek Interi.
“Dua të vazhdoj të rritem me këtë ekip dhe me këta kampionë të mëdhenj. Trajneri më lë gjithmonë të qetë dhe jam i lumtur. U përpoqa të demonstroja cilësitë e mia, mund të isha në vështirësi për mënyrën se si luan Fiorentina, por ne ishim të gjithë mirë dhe vuajtëm së bashku për të sjellë fitoren. E di që Calhanoglu është shumë i fortë, më ndihmon çdo ditë, madje këtë javë më ka folur gjithmonë”, deklaroi mesfushori shqiptar i Interit, pas fitores ndaj Fiorentinës.
Edhe trajneri i Interit, Simone Inzaghi, ka thurur elozhe për Asllanin pas ndeshjes: “Asllani bëri mirë sot. Është fat për një trajner që ka një lojtar të tillë që ka bërë një ndeshje të shkëlqyer. Jam i lumtur që shërbeu asistin për golin e Lautaros”.
