Atalanta, Gjimshiti: Në Barcelonë, për t’u dhënë emocione tifozëve
“Është krenari të dish se kemi tre mijë tifozë nga Bergamo që na inkurajojnë, një mbështetje që nuk ka munguar kurrë dhe për të cilën ne jemi mirënjohës. Shpresojmë t’u japim atyre disa emocione”.
Këtë e thotë Berat Gjimshiti në prag të ndeshjes së Atalantës në Champions League në Barcelonë. Mbrojtësi zikaltër foli në një konferencë për shtyp në stadiumin Montjuic: “Fryma është e njëjtë si kur luajmë kundër Como-s. Ishte një rrugëtim i mirë në Champions League dhe ne jemi gati të tregojmë se meritojmë këtu ku jemi tani”.
“Të gjithë e dimë cilësinë e Barcelonës dhe e dimë se ata shënojnë shumë gola. Ne gjithmonë mbrohemi dhe sulmojmë si ekip dhe së bashku duhet të kufizojmë lojtarët vendas. Nuk jemi keq as në fazën sulmuese: është e vështirë, por jo e pamundur”, vijon mbrojtësi shqiptar.
“Është fusha që ka rëndësi, jo stadiumi. Ne nuk kemi luajtur kurrë në Bernabeu as me Real Madridin, këtu nuk jemi në Camp Nou. Vetëm portieri ynë mbron ose sulmon më pak se dhjetë të tjerët. Skuadra duhet të ndihet mirë në fushë dhe t’i bëjë mirë të dyja fazat”.
