Thomas Matthew Crooks, 20 vjeç është identifikuar nga FBI si autori i atentatit ndaj ish-presidentit amerikan, Donald Trump.
“FBI-ja ka identifikuar Thomas Matthew Crooks, 20 vjeç, nga Bethel Park, Pensilvani, si subjekt i përfshirë në atentatin e ish-presidentit Donald Trump më 13 korrik, në Butler, Pensilvani. Ky mbetet një hetim aktiv dhe në vazhdim, dhe kushdo që ka informacion që mund të ndihmojë me hetimin inkurajohet të dërgojë foto ose video”, tha FBI në një deklaratë.
Crooks u rendit si një mbështetës republikan, por në vitin 2021 ai bëri një donacion të vogël për një grup që mbështeti partinë Demokratike në 2021, sipas të dhënave shtetërore.
Motivet e këtij sulmi mbeten ende të paqarta. Ish-presidenti Donald Trump u plagos gjatë mitingut të tij në Butler, Pensilvani. Autori u qëllua për vdekje nga autoritetet, ndërsa në ngjarjen e rëndë humbi jetën edhe një person i pranishëm në tubim, teksa dy të tjerë mbetën të plagosur rëndë.
Trump tha në rrjetet sociale se ai u qëllua nga një plumb në “pjesën e sipërme të veshit të djathtë”. Shërbimi Sekret tha se ish-presidenti është i sigurt pasi u nxor nga skena me gjak në fytyrë. Trump është kthyer në shtëpinë e tij në New Jersey, ku ndodhet në gjendje të mirë shëndetësore.
Nënshkruhet Marrëveshja e Bashkëpunimit mes Ministrisë së Arsimit dhe Fondacionit Shqiptaro-Amerikan për Zhvillim (AADF )…
Çmimi Ndërkombëtar për Lirinë e Shtypit për vitin 2024 do t’u ndahet 4 gazetareve, mes…
Inspektorati Kombëtar i Mbrojtjes së Territorit, vijon me prishjen e objekteve për t’i hapur rrugë…
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
This website uses cookies.