Atentati në Moskë, Lukashenko rrëzon Putinin: Autorët tentuan fillimisht të hyjnë në Bjellorusi

Gjatë një deklaratë për mediat lidhur me ngjarjen, Lukashenko tha se autorët fillimisht tentuan të kalonin në Bjellorusi, por kufiri u forcua pas ngjarjes dhe ata morën kthesë për në Ukrainë.

“Ata nuk mund të hynin në Bjellorusi. Ata e dinin se do të ishte një ide shumë e keqe të përpiqeshe të hysh në Bjellorusi, sepse Bjellorusia menjëherë përforcoi masat e sigurisë”, tha Lukashenko.

Lukashenko shtoi se ai mori raporte nga autoritetet ruse “minuta” pas fillimit të sulmit dhe vendosi njësitë bjelloruse në gatishmëri luftarake, duke vendosur pika kontrolli në rrugë për të parandaluar hyrjen e sulmuesve në vend.

“Kjo është arsyeja pse nuk kishte asnjë shans që ata të hynin në Bjellorusi. E kuptuan. Kështu ata morën një kthesë dhe u drejtuan në kufirin Ukrainë-Rusi, “tha ai.

Lukashenko tha se ai dhe Putin shkëmbyen telefonata, duke pretenduar se ai pranoi kërkesën e Putinit për të ndihmuar në mbylljen e rrugëve në Bjellorusi, pasi mori informacione nga zyrtarët rusë se sulmuesit po “lëviznin në drejtim të Bryansk”.

Kjo deklaratë hedh poshtë pretendimet e Putinit, aleatit të tij besnik, se ishte përgatitur një “dritare” që sulmuesit të arratiseshin në Ukrainë , të cilën Kievi e ka mohuar.

ISIS mori përgjegjësinë për masakrën, e cila vrau të paktën 139 njerëz, dhe publikoi pamjet grafike të incidentit, por presidenti rus Vladimir Putin ka sugjeruar vazhdimisht, pa prova, se Ukraina kishte ndihmuar në orkestrimin e saj.