Detaje të reja kanë dalë në dritë nga plagosja e mbrëmshme (12 mars) në fshatin Grudë e Re e Shkodrës. RTSH ka siguruar foton e efektivit Gjergj Ndërshtiqaj i cili mbeti i plagosur së bashku me kunatin e tij Gjin Nika.
Po ashtu, mësohet se në automjetin e përdorur nga autorët janë gjetur tre karikatorët e kallashnikovëve që u zbrazën në drejtim të Ndërshtiqaj dhe Nikës.
Të plagosurit janë qëlluar sapo kanë dalë nga makina e tyre tip BMW e cila nga plumbat e shumtë mori flakë.
Në momentin që ka nisur breshëria e plumbave polici dhe kunati i tij janë fshehur pas automjetit të tyre, ndërsa i treti që nuk u plagos ka arritur që të largohet në një arë duke humbur mes errësirës.
Ndërkohë polici Gjergj Ndërshtiqaj ka patur armën e shërbimit me vete, por nuk e ka përdorur pasi nuk ka arritur që të kundërpërgjigjet.
Dy të plagosurit ndodhen jashtë rrezikut për jetën në spitalin e Shkodrës ndërsa secili ka marrë nga dy plumba në trup.
Pas ngjarjes automjeti i autorëve u gjet i djegur pak në një rrugë afër zonës ku ndodhi krimi. Të dëmtuarit janë shprehur pasi janë marrë në pyetje se nuk kanë arritur që të shohin se kush ishin autorët. Sipas burimeve policore objektivi ka qenë shtetasi Gjon Nika.
Ndërkohë në Shkodër menjëherë pas kësaj ngjarje të rëndë mbërriti Drejtori i Përgjithshëm i policisë së Shtetit Muhamet Rrumbullaku duke qenë në krye të hetimeve. Është ende e paqartë se cili ishte motivi i ngjarjes së rëndë. Policia shoqëroi disa persona por pa arritur ende tek autorët e dyshuar.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.