“Australi & Zelandë e Re 2023”, Spanja në rast triumfi premio prej 300 mijë euro…
Australi Zelande e Re 2023 Spanja ne rast triumfi
“Australi & Zelandë e Re 2023”, Spanja në rast triumfi premio prej 300 mijë eurosh
Secila prej futbollisteve të përfaqësueses spanjolle kanë arkëtuar plot 70 mijë euro si shpërblim për kualifikimin në çerekfinalet e Kupës së Botës për femra. Federata Spanjolle e Futbollit ka motivuar lojtaret iberike duke u premtuar edhe 160 mijë euro të tjerë në rast se do të kalojnë në gjysëmfinale.
Sipas “Marca”-s futbollistet në fjalë do të jenë edhe më të motivuara nëse shkojnë në finalen e madhe pasi në rast triumfi do të marrin plot 300 mijë euro premio.
Siç dihet Spanja është çerekfinaliste e Botërorit të femrave. Më datë 11 gusht iberiket sfidojnë Holandën për një vend në gjysëmfinale ku në rast kualifikimi presin fituesen mes Japonisë dhe Suedisë.
Kupa e Botës për femra është një eskluzivitet i Radio Televizonit Shqiptar. Të gjitha ndeshjet e këtij eventi që po mbahet në Australi dhe Zelandë të Re do të transmetohen për publikun shqiptar në RTSH.
