Automjetet e braktisura – Problem për zjarrfikëset, bllokojnë hapësirat e parkingjet publike

Makinat e braktisura, që zënë hapësirat publike, vazhdimisht janë bërë problem për automjetet zjarrfikëse, të cilat e kanë të vështirë për të mbërritur në kohën e duhur për në vendin e ngjarjes, në raste zjarri.

 Në rrugën “Danej” , pranë “Urës Dervishbeg”, ky automjet qëndron prej vitesh këtu, i braktisur, me xhama të thyer, pa asnjë funksion. Pronari e ka lënë atë të parkuar, duke vështirësuar qarkullimin edhe të këmbësorëve.

Në jo pak raste rrugët e ngushta si pasojë e shfrytëzimit të hapësirave të përbashkëta në Shkodër kanë sjellë vështirësi për lëvizjen e automjeteve zjarrëfikëse në raste zjarri.

Sikur të mos mjaftonte mungesa e parkingjeve në Shkodër, këto vetura i vështirësojnë edhe më shumë jetën qytetarëve.

Drejtues të repartit zjarrfikës disa herë kanë apeluar institucionet përgjegjëse, por edhe qytetarët që të mos parkojnë mjetet e tyre në rrugët relativisht të ngushta, pasi krijojnë vështirësi për operacionet e mbrojtjes nga zjarri dhe shpëtimin e personave që gjendjen përballë këtij rreziku.

Pavarësisht thirrjeve, ende sot situata mbetet problematike.