Avokatët e ish-presidentit të Kosovës, Hashim Thaçi kërkojnë tërheqjen nga mbrojtja e tij, arsyeja është mospagesa
Avokatët Gregory Kehoe, Joe Reeder nga “Greenberg Legal Associates” dhe anëtarët e tjerë të kësaj kompanie kanë kërkuar tërheqjen nga mbrojtja e ish-presidentit të Kosovës, Hashim Thaçit për arsye të mospagesës.
“Z.Thaçi nuk ka përmbushur detyrimin ndaj Gregory Kehoe, Joe Reeder, Associates Greenbuerg Legal dhe anëtarëve të ekipit mbështetës dhe z.Thaçit i është dhënë një paralajmërim i arsyeshëm se do të kërkonin përfundimi nëse nuk u është përmbushur detyrimi”, thuhet në njoftimin e Dhomave të Specializuara.
Deri të caktohen avokatët e tjerë, të njëjtët deri në një periudhë 45 ditore do vazhdojnë punën e tyre.
Pagesat për mbrojtjen e të akuzuarve në Hagë është e detyruar ta bëjë Ministria e Drejtësisë në Kosovë.
