Avokati Edmond Petraj ka deklaruar në emisionin “Ekspres” në RTSH 1 se ish-kryeministri Berisha nuk mund t’ia hedhë drejtësisë duke përdorur procedurën. Sipas avokatit Petraj, çështja e Berishës, i cili akuzohet se ka favorizuar dhëndrin e tij, Jamarbër Malltezi për privatizimin e ish-kompleksit të klubit sportiv “Partizani”, nuk mund të mbyllet për procedurë.
Duke iu referuar refuzimit të ish-kryeministrit Berisha për t’u paraqitur në Gjykatën e Posaçme që të njihet me masën e sigurisë, Petraj theksoi se procesi ndaj Berishës do të zgjasë dhe do të marrë kohë.
“Nga ana procedurale nuk dëmtohet. Ky është një proces që do të zgjasë. Duhet ta marrim seriozisht këtë situatë. Nuk është kaq e thjeshtë. Do të ketë shumë persona.
Mund të ketë shumë dëshmitarë që mund të thirren. Ka grupe pune që kanë marrë përsipër ç’invetarizimin të kësaj pjese.
Organi i akuzës është kapur edhe në ligjshmërinë e pronarëve të tokës, por edhe mënyra se si është privatizuar. Pra, është kapur që në themel”, u shpreh Petraj.
Petraj vuri në dukje se sa i përket rolit të ish-kryeministrit Berisha kur ka qenë në krye të qeverisë përgjatë viteve 2005-2013.
“Askush nuk e thotë që ka një grupe pune që përgatit VKM-të që ia çon kryeministrit dhe kryeministri vetëm firmos kur vendos këtë gjë. Por kjo do të marrë pak kohë. Do kohë nerva dhe profesionalizëm”, ka theksuar avokati.
I pyetur nga drejtuesi i emisionit, Nolian Lole, se çfarë ndodh me tokën ku janë ndërtuar pallate dhe njerëzit kanë blerë apartamente, Petraj theksoi se “pjesa e pronarëve të tokës, që kanë marrë tokën do të kalojë e gjitha në sekuestro dhe në sitë, pastaj si do të dalin procedurat dhe si do shkojë situata… Që të gjithë 64 trashëgimtarët bllokohen”.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.