“Babi në ngjyrat e mia”/Fëmijët e kopshteve të qytetit shprehën fantazinë e tyre në pikturë

Në Shkodër po zhvillohen veprimtari të ndryshme në kuadër të fushatës së aktivizmit kundër dhunës me bazë gjinore. Cikli “Burrat dinë me dashtë” këtë vit erdhi përmes botimit “Babi në ngjyrat e mia” realizuar nga organizatat “Gruaja tek Gruaja” dhe “Zyra për Djem dhe Burra”. Aktiviteti i mbajtur në QKF “Kujtim Alija” mblodhi dhjetëra fëmijë.Botimi “Babi në ngjyrat e mia” është rezultat i punës së 70 fëmijëve nga kopshtet e qytetit dhe i fantazisë së krijuese shprehur në pikturë. Mesazhi që bartin ditët e fushatës së aktivizmit ka një rëndësi të veçantë sa i përket kauzës që trajton.Ditët e Aktivizmit kundër Dhunës me Bazë Gjinore do të vijojnë në Shkodër edhe për disa ditë të tjera.