“Badra e Mehajve” rrethohet nga mbeturinat – Banorët e Koplikut kërkojnë pastrimin e zonës

Kjo është pamja në “zemër” të fushës së mbi Shkodrës, mes Koplikut dhe Bajzës, e njohur si “Badra e Mehajve”.

Stoqet me mbeturina po shtohen dita-ditës, sa të duket se këtu kemi të bëjmë me një landfilld të legalizuar për këtë qëllim, kur në të vërtetë gjithçka është flagrante dhe me pasoja të rënda për shëndetin e njerëzve dhe mjedisin.

Rasti në fjalë është publikuar vazhdimisht në media dhe denoncuar disa herë nga banorët, por deri tani çdo fjalë ka rënë në vesh të shurdhët.

Një banor i zonës, thotë se gjendja është e rëndë dhe se jetesa po bëhet e pabanueshme, duke bashkëjetuar me mbeturinat.

Vazhdimisht mbeturinave në këtë zonë i janë shtuar edhe pulat e ngordhura të depozituara nga pularitë nga zona të ndryshme, të cilat i hedhin mjedis të hapur duke rrezikuar përhapjen e epidemive.