Nestori Irankunda
E ndiqnin prej kohësh, por vetëm sot ka ardhur edhe zyrtarizimi. Nestori Irankunda është një lojtar i Bajernit. Talenti 17-vjeçar i Adelaide Junajtid ka qenë në fokusin e shumë skuadrave, por bavarezët kanë mundur konkurencën pasi kanë insistuar prej kohësh.
Irankunda i ka kushtuar arkave të klubit bavarez rreth 500 mijë euro ndërsa zyrtarizimi i transferimit të tij ende nuk është bërë për shkak të rregullave të FIFA-s, të cilat nuk lejojnë minorenët të transferohen nga një vend në një tjetër. Irankunda feston 18 vjetorin e lindjes më 9 shkurt dhe për këtë arsye do të jetë zyrtarisht i Bajernit duke nisur nga 1 qershori i 2024-ës.
“Me një lojtar si Nestori kemi gjetur një lojtar, i cili na jep një armë më shumë në fushën e lojës. Shpëjtësia e tij dhe aftësia për të dribluar rivalët do të jenë një plus i madh për ne”, tha shefi Bajern Kampus, Johen Zauer.
Irankunda në këtë sezon ka luajtur 3 ndeshje dhe ka shënuar një gol. Ai është pjesë e Australisë të moshave deri në 17 vjeç ku në 17 paraqitje ka shënuar 11 gola. Ai ka marrë një ftesë edhe nga “Kangurët” e mëdhenj, por ende nuk ka debutuar.
Historia e Irankundës është mjaft e vështirë pasi ka lindur në një kamp refugjatës në Tanzani, ku pridnërit e tij ishin shpërngulur pas luftës në Burundi.
Kuvendi i Shqipërisë organizoi aktivitetin përkujtimor "Parlamentarizmi, Republika, Demokracia". Ky event madhor mblodhi figura të…
Një prej talenteve më të spikatur të Vllaznisë është vënë në radarët e skuadrave të…
Forma e mirë e Balës duket se po ndihmon edhe Vllazninë në garën për fitimin…
Një 35-vjeçar është shpallur në kërkim nga Specialistët e Seksionit për Hetimin e Krimeve Kibernetike …
Kryetari i Bashkisë Shkodër, Benet Beci, ka pritur në një takim falënderimi imzot Angelo Massafra…
Banorët e Fshatit të Ri, në zonën e Postribës, janë në rrezik për shkak të…
This website uses cookies.