Ministri i brendshëm Taulant Balla vazhdon me vendosmëri thirrjet për vetëpastrimin e Policisë së Shtetit. Nga Pika e Kalimit Kufitar e Kakavijës ku mori pjesë në një aktivitet në krah të të Ngarkuarit me Punë të SHBA në Tiranë David Wisner, ministri Balla deklaroi se ka ardhur koha që çdo punonjës i Policisë së Shtetit të zgjedhë mes uniformës, zbatimit të ligjit apo bashkëveprimit me krimin.
“Procesin e vetëpastrimit në Policinë e Shtetit duhet ta vazhdojmë çdo ditë në mënyrë sistematike, për ta çuar këtë proces në një nivel tjetër. Sepse në një nivel tjetër duhet të çojmë besueshmërinë e qytetarëve shqiptarë tek Policia. Sa më shumë luftojmë korrupsionin brenda policisë së Shtetit, aq më shumë rritet besimi i qytetarëve”, theksoi Balla nga Gjirokastra.
Duke iu drejtuar forcave kufitare në jug të vendit, ministri u ndal tek rasti i arrestimit të një zyrtari policie në Kapshticë.
“Para pak ditësh AMP në bashkëpunim me Prokurorinë goditën një rast që nuk është i vetëm, brenda nesh, që me uniformën e Policisë së Shtetit bashkëpunonte me krimin në trafik të lëndëve narkotike. Do të jemi shumë të fortë, shumë të ashpër për të luftuar këtë fenomen në Policinë e Shtetit në gjithë këto vite, pa asnjë tolerancë sepse synimi ynë është që ta bëjmë Policinë e Shtetit institucionin më të besuar në këtë vend”, ishte thirrja e ministrit Balla.
Një ditë më parë, ministri Balla firmosi urdhrin që ka bashkëlidhur formularin për vetëdeklarim të çdo punonjësi policie, nëse ka patur akses në aplikacionet SKY ECC/Encro Chat.
Presidenti Bajram Begaj, priti sot në një takim Lordin Stuart Peach, i Dërguar i Posaçëm…
Universiteti i Shkodrës “Luigj Gurakuqi” ka nisur aktivitetin sportiv tre ditor në kuadër të Javës…
Përbërësit për petullat e fshira 1 gotë me ujë 1 gotë me qumësht 4 vezë…
Spektakël në BayArena në Leverkusen këtë pasdite me ekipin vendas përballë një Wolfsburgu të vendosur,…
Federata e Futbollit e Australisë ka zyrtarizuar trajnerin të ri të skuadrës kombëtare pas dorëheqjes…
Tashmë është zyrtare: Rejan Alivoda largohet nga Vllaznia për të vazhduar karrierën e tij te…
This website uses cookies.