Ministri i Brendshëm Taulant Balla, është takuar të premten në Departamentin Amerikan të Shtetit në Washington me ndihmëssekretarin e Shtetit, Todd D. Robinson.
Në një postim në rrjetet sociale, ministri Balla ndau detaje nga takimi, ndërsa theksoi se prioritet i bashkëpunimit mes Shqipërisë dhe SHBA është lufta ndaj krimit të organizuar dhe narkotikëve.
Balla po ashtu theksoi dhe bashkëpunimin e shkëlqyer me agjencitë ligjzbatuese dhe programet e asistencës amerikane, përfshirë DEA, INL dhe ICITAP.
“Mirëpresim mbështetjen amerikane në forcimin e kapaciteteve dhe shkëmbimin e eksperiencave mes Akademisë së Sigurisë dhe shkollave të policisë në SHBA,” shkroi Balla. Ai theksoi se “lufta kundër krimit të organizuar, prodhimit dhe trafikimit të lëndëve narkotike mbetet një prioritet kryesor”.
Sipas tij, “goditjet kundër grupeve kriminale po intensifikohen çdo ditë falë hetimeve komplekse në bashkëpunim me SPAK dhe prokuroritë e juridiksionit të përgjithshëm”.
Balla thekson se përpjekjet për përmirësimin e rezultateve në luftën kundër trafikimit të qenieve njerëzore do të intensifikohen, në kuadër të Mekanizmit Kombëtar të Referimit.
Ministri i Brendshëm mbyll njoftimin duke theksuar se Shqipëria dhe SHBA janë pjesë e Koalicionit Global kundër kërcënimit të Drogave Sintetike, duke koordinuar masa konkrete kundër prodhimit, trafikimit dhe shitjes së tyre tek të rinjtë dhe përdoruesit e tjerë.
Kënga fituese e edicionit të 63 të Festivalit të këngës në Radio Televizionin Shqiptar ka…
Miss Shqipëria”, eventi më i madh i bukurisë shqiptare, çeli siparin e edicionit të 27…
Vetëm pak javë pasi hodhi firmën në kontratën e re me Mançester Sitin, sipas së…
Në intervistën që dha për “SonntagsZeitung”, Mishel Platini tregoi disa prej problematikave të mëdha që…
Pas barazimit 1-1 për Supërligën, Vllaznia dhe Elbasani do të masin forcat sërish në “Loro…
Fshati i vogël i Goricës në njësinë administrative të Anës së Malit, në Bashkinë e…
This website uses cookies.