Bardh Spahia bën thirrje nga Postriba  për pjesëmarrje në protestën e 20 shkurtit

20  Shkurti është dita në të cilën të gjithë demokratët do t’i tregojnë kësaj qeverie të mbushur nga skandalet se kush është shumica e vertetë. Ky ka qënë mesazhi që ka përcjellë në një takim me banorët e Postribës, anëtari i kryesisë së Partisë Demokratike të Shqipërisë, Bardh Spahia.

Nga ana tjetër, Spahia është ndalur tek roli i Postribës në lëvizjen antikomuniste si e para zonë që nuk pranoi terrorin komunist, e sot është sërish e para në mbështetje të opoziës së bashkuar. Të pranishëm në këtë takim, përveç zotit Spahia, kanë qënë edhe anëtarë të Këshillit Bashkiak të Shkodrës, drejtues të PD në zonë si dhe banorë e simpatizantë, të cilët kanë garantuar mbështetjen maksimale për protestën e 20 Shkurtit në Tiranë.