Lajme

Bardhi kërkesë Kuvendit dhe trupit diplomatik: Respektoni Opinionin e Venecias mbi vendimet e Kushtetueses

Kryetari i Grupit Parlamentar të PD, Gazment Bardhi i ka drejtuar një kërkesë Kryeparlamentares Elisa Spiropali, duke vënë në dijeni edhe Trupit Diplomatik në Tiranë, për zbatimin e opinionit të Komisionit të Venecias lidhur me zbatimin e vendimeve të Gjykatës Kushtetuese për mandatin e deputetes Olta Xhacka.

Duke përmendur qëndrimin e plotë të Komisionit të Venecias, në letrën drejtuar Kuvendit, Gazment Bardhi deklaron se qëndrimi personal i Kryetares së Kuvendit dhe i mazhorancës socialiste, pas publikimit të Opinionit të Komisionit të Venecias, është jo vetëm i papranueshëm, por jashtë çdo logjike njerëzore dhe politike.

“Opinioni këshillimor i Komisionit të Venecias arrin vetëm në një konkluzion/këshillë: Detyrimin e Kuvendit që të zbatojë vendimet e Gjykatës Kushtetuese, si element bazë i shtetit të së drejtës. Ashtu siç qartësisht Komisioni i Venecias është shprehur, në rastin e zbatimit të vendimeve të Gjykatës Kushtetuese, Kuvendi nuk po detyrohet që të votojë në një mënyrë të caktuar, por po përmbush vetëm përgjegjësinë e tij për të respektuar Kushtetutën dhe vendimet e Gjykatës Kushtetuese.”.

Për Grupin Parlamentar të Partisë Demokratike, “qëndrimi personal i Kryetares së Kuvendit dhe i mazhorancës socialiste, pas publikimit të Opinionit të Komisionit të Venecias, është jo vetëm i papranueshëm, por jashtë çdo logjike njerëzore dhe politike. Ju po sajoni/deformoni qëndrime që nuk gjejnë asnjë mbështetje, në asnjë fjali dhe në asnjë paragraf të Opinionit të Komisionit të Venecias. Ju po bëni interpretimin sipas asaj që ju do të dëshironit të shprehej Komisioni i Venecias dhe jo sipas asaj që është shprehur qartësisht Komisioni i Venecias. Ju nuk po i përmbaheni zotimit tuaj publik që do të vepronit sipas Opinionit të Komisionit të Venecias dhe do ta zbatonit atë. Ju po tregoni se investuat kot Komisionin e Venecias dhe nuk po e respektoni autoritetin e tij. Ju po jepni shembullin e paprecedent në një vend demokratik, që nëse nuk pëlqehen vendimet e gjykatave atëherë ato mund të mos zbatohen.” – thuhet në shkresën e kreut të grupit demokrat.

Në përfundim, Grupi Parlamentar i PD kërkon që në përputhje me këshillat e vyera të Komisionit të Venecias, të nisin procedurat parlamentare, në seancën më të parë plenare, për zbatimin e vendimeve nr. 1/2023 dhe 55/2024 të Gjykatës Kushtetuese. “Çdo sjellje e kundërt me këtë përbën minim të demokracisë dhe shtetit të së drejtës.” – thuhet në shkresën e Bardhit.

RTSH Shkodra

Recent Posts

Arratisja e Daut Lazes nga burgu i Shënkollit, arrestohen 3 policë

Tre punonjës të burgut të Shënkollit në Lezhë janë arrestuar për shpërdorim detyre në lidhje…

4 hours ago

Moti për sot- Kthjellime dhe vranësira, ulen temperaturat

Ditën e neserme vendi ynë do të ndikohet nga kushte atmosferike të qëndrueshme. Moti parashikohet…

5 hours ago

Vota e diasporës, Topalli: Në SHBA dhe Kanada shumë shqiptarë janë pa dokumente

Partitë politike në vend vijojnë takimet me diasporën në përpjekjen për t’i kërkuar votën për…

5 hours ago

Zyrtare, Shqipëria dhe Serbia do të organizojnë Euro U-21 në 2027-ën

UEFA ka zyrtarizuar vendet organizatore të Europianit për moshat deri në 21 vjeç të vitit…

5 hours ago

Elbasani-Vllaznia në RTSH, Brdariç: Objektivi ynë kualifikimi në turin tjetër

Trajneri i Vllaznisë, Tomas Brdariç, ka folur për mediat në prag të sfidës së sotme…

5 hours ago

Fshati Bardhanjor pa Qendër Shëndetësore – Banorët  apel institucioneve: Të vihet në funksion, është e domosdoshme

Në fshatin Bardhanjor , në njësinë administrative Rrethina, banorët e kanë të pamundur të marrin një…

21 hours ago

This website uses cookies.