Bashkëpunim mes institucioneve ligjzbatuese/ Zyrtarët amerikanë takim me Rrumbullakun

Anëtarët e ekipit të zbatimit të ligjit të ambasadës amerikane në Tiranë së bashku me të ngarkuarin me punë Devid Uinser (David Winser) kanë zhvilluar një takim me Drejtorin e Përgjithëshëm të Policisë së Shtetit, Muhamet Rrumbullakun. Në fokus të takimit mes tyre ishte rritja e bashkëpunimit mes institucioneve ligjzbatuese të SHBA-së dhe Shqipërisë.

Nga ana e tij, Uinser falënderoi punën e bërë nga Policia e Shtetit për luftën kundër krimit të organizuar, trafikut të paligjshëm të lëndëve narkotike dhe krijimin e një Shqipërie të sigurt.

“Anëtarët e ekipit të zbatimit të ligjit të Ambasadës iu bashkuan të Ngarkuarit me Punë David Wisner për një takim me Drejtorin e Policisë së Shtetit Shqiptar (ASP) Muhamet Rrumbullaku për të diskutuar partneritetin dhe bashkëpunimin e fortë midis zbatimit të ligjit të Shteteve të Bashkuara dhe Shqipërisë. Z. Wisner falenderoi PSHSH-në për përpjekjet e saj për të luftuar krimin e organizuar, për të luftuar trafikun e paligjshëm të narkotikëve dhe për të krijuar një Shqipëri më të sigurt. Ata pohuan gjithashtu bashkëpunimin e fortë mes organeve ligjzbatuese të SHBA-së, Ambasadës Amerikane dhe PSH-së”, thuhet në njoftimin e ambasadës amerikane në Tiranë.