Basket femra, Vllaznia humbet përballë Flamurtarit – Shkodranet u mundën në takimin me Flamurtarin me rezultatin 77-50
Viti ka nisur me humbje edhe për skuadrën e basketbollit të femrave të Vllaznisë. Vajzat humbën në Shkodër ndaj Flamurtarit me rezultatin e thellë 77-50.
Shkodranet erdhën në këtë përballje me disa mungesa, të cilat duket se ndikuan negativisht në performancën e tyre në këtë sfidë.
Në periodën e parë, Vllaznia tregoi një nivel të mirë loje. Kjo periodë u mbyll me dy pikë avantazh për Flamurtarin, 27-25.
Me kalimin e minutave, ekipi i Flamurtarit e rriti diferencën dhe perioda e dytë u mbyll me rezultatin 12-7 për ta.
Gjithsesi, ajo që vendosi ndeshjen ishte perioda e tretë, e cila u fitua nga vlonjatet me shifrat 21-6. Në periodën e fundit, shifrat u mbyllën 17-12 për Flamurtarin, duke e finalizuar ndeshjen me rezultatin përfundimtar 77-50.
Pas kësaj humbjeje, vajzat e Vllaznisë mbajnë vendin e katërt në tabelën e klasifikimit. Objektivi i tyre mbetet kualifikimi për fazën finale.
