Basket-meshkuj, Vllaznia rikthehet tek fitorja – Kuqeblutë fitojnë 90-76 klasiken ndaj Tiranës
Eni Llaznai ka debutuar me fitore në drejtimin e Vllaznisë në basketboll për meshkuj.
Vllaznia arriti një fitore të rëndësishme mbrëmjen e së dielës, duke mundur Tiranën në shtëpi me rezultatin 90-76.
Ky takim pati si protagonistë kryesorë lojtarët shkodranë , të cilët u mbështetën fuqishëm nga tifozeria e tyre, që kishte mbushur Pallatin e Sportit “Qazim Dervishi”.
Vllaznia nuk e vuri në dyshim fitoren, pasi që nga minuta e parë deri në fund kishte kontrollin e plotë të rezultatit.
Pas javës së 7-të, Vllaznia pozicionohet në vendin e katërt me 9 pikë, po aq sa Kamza e vendit të pestë dhe Apolonia e vendit të gjashtë.
Tabela e klasifikimit udhëhiqet nga Besëlidhja me 12 pikë.
