Basket, Vllaznia e koshit spektakël ndaj Tiranës – Djemtë kuqeblu kanë arritur një fitore të lehtë me diferencë 39 pikë
Vllaznia e koshit të meshkujve ka bërë një paraqitje spektakolare në derbin klasik ndaj Tiranës në pallatin e sportit “Qazim Dervishi”.
Djemtë kuqeblu kanë dominuar gjatë gjithë takimit, i cili ishte vetëm me një krah. Vllaznia ka fituar të katër periodat, duke treguar supremaci.
Krejt ndeshja është mbyllur me fitoren e thellë të vendasve me një diferencë prej 39 pikësh, 107-68.
Me këtë fitore të thellë e të lehtë, Vllaznia vazhdon të konfirmojë veten si një forcë e pakontestueshme në basketbollin shqiptar.
Çdo lojtar dha maksimumin, duke ndërtuar një fitore të bukur, ndërsa duhet evidentuar edhe mbështetja e tifozëve kuqeblu në shkallët e pallatit të sportit. Për këtë të diel, në “Qazim Dervishi”, Vllaznia po përgatitet për ndeshjen kundër kampionëve aktualë, Besëlidhja e Lezhës.
