Basket, Vllaznia-Teuta për finale, Roni Gjeçaj: Teutën e mundim me tifozët tanë të zjarrtë
Vllaznia dhe Teuta përballen mbrëmjen e së dielës në pallatin e sportit “Qazim Dervishi” të Shkodrës në kuadër të gjysëmfinales së dytë të Kampionatit Kombëtar të basketbollit për meshkuj, ku sfida e parë është fituar nga durrsakët.
Për zëvendëstrajnerin e Vllaznisë, Roni Gjeçaj, stafi teknik, me në krye trajnerin Bekteshi, ka marrë masat e duhura për fitore në ndeshjen e dytë dhe të shkojë në ndeshjen e tretë në Durrës në barazim shifrash, 1-1.
Ndeshja, Vllaznia-Teuta në basketboll meshkuj luhet në orën19:00 të së dielës, ndërkohë që zëvendëstrajneri Gjeçaj fton tifozërinë e zjarrtë shkodrane për të mbështetur skuadrën kuqeblu.
