Bayern, Kompany paralajmëron: Do të përballemi me një ekip shumë të talentuar
“PSG, më pak i fortë se vitet e kaluara? Absolutisht jo”, tha Vincent Kompany në konferencë për shtyp në prag të sfidës Bayern-PSG.
Trajneri belg i Bayernit i di grackat e kësaj ndeshje: “Do të takojmë një nga klubet më të mëdha në Evropë. Ata kanë lojtarë të mëdhenj dhe një trajner të klasit botëror. Është një ekip shumë i talentuar”.
“Shumë lojtarë do të arrijnë nivelin e Messit, Neymar, Ibrahimovic në vitet në vijim. Hapësirat midis linjave nuk janë kurrë të mëdha, presimi është shumë agresiv dhe i mirë. Kur ata kanë topin, qasja është e qartë. Si ekip ata janë vërtet shumë të mirë. Nuk pres një ndeshje të mërzitshme”.
